還記得2018年全港首個以罕見病為主題嘅「121罕愛同行」博覽會嗎？當天邀請咗不同科別嘅機構為罕見病患者及其家庭介紹不同服務。當中關於眼科嘅參展單位有 一視瞳仁慈善基金有限公司 Eyeglass Vision Friendly Foundation Limited ，博覧會後我哋更成為了好朋友。日前，小天使詠寧終於有機會到訪一視瞳仁嘅辦公室，由Dick Sir (Dick Lo) 親自為詠寧進行視力檢查。經過Dick Sir嘅耐心檢查後，一如所料，詠寧有頗嚴重嘅先天性遠視及散光等視力問題。可是特殊需要嘅小朋友一般都非常抗拒外來飾物，要配戴眼鏡也非易事，就此Dick Sir 教左我哋一個非常值得參考嘅方法，建議我哋先試試買一副太陽眼鏡，於烈日當空嘅環境下為詠寧戴上，借強光讓其適應佩戴眼鏡嘅感覺，減低對眼鏡嘅抗拒，為日後戴眼鏡舖路。
感謝Dick sir 為詠寧提供矯正視力嘅方法及建議，對詠寧非常湊效，亦為我地一家帶來驚喜。
HKASF與一視瞳仁一直有合作嘅意向，Dick sir 同我哋亦十分期望可以喺疫情過後，正式開展這個極具意義嘅合作，為小天使及「關愛一站通」會員舉行視力檢測及工作坊，繼續幫助及支援傷健人士及其家庭，改善生活。
「關懷罕愛，結伴同行」