OCC Forum

標題: 宏美樂園Wellcome Paradise 同樂日 [打印本頁]

作者: occadmin 時間: 2018-6-10 19:07
標題: 宏美樂園Wellcome Paradise 同樂日
室內Play House 係香港可謂潮到一個點，每逢週末假日，總是人山人海，排滿長龍，成為近年小朋友最佳放電好去處之一。

然而，對於我地一班殘疾或特殊需要嘅家庭，除左價錢問題，基於安全理由，根本冇可能係太多人嘅塲合度玩，次次都係得過恨字....

「關愛一站通」本著帶領傷健家庭融入社區嘅精神，不斷嘗試，用心打動人心，終於得到全港最大波波池之一嘅「宏美樂園 Wellcome Paradise」垂青，為我地提供特別塲次，實行與傷健同樂。

宏美樂園負責人高校監稱：「宏美樂園其實與宏廣國際幼稚園屬同一機構，鑒於近年香港家庭文化上嘅變遷，對小朋友嘅學業自小已十分關注，宏美提供一個既安全且多元化嘅活動空間，正要為小朋友在平日繁重嘅學業，給予釋放及緩衝。

作為一個教育機構，我地一直提倡「有教無類」，樂園也應該倡議「有玩無類」嘅精神，所以當「香港天使綜合症基金會」向園方提交合作方案時，我地一口便答應了，並全力支持呢項咁有意義嘅行動呢！」

HKASF喜獲宏美樂園的鼎力支持及善心贊助，喺今個星期六（14/4）為「關愛一站通」會員提供包塲塲次，讓我地可以瘋狂任玩兩小時。是次活動由HKASF統籌，宏美樂園贊助門票，參加者不用任何收費。

日期 : 14-4-2018

地點 : 九龍灣國際展貿中心3樓302號宏美樂園

查詢 : info@hkasf.org / +852 5125 8111

特別鳴謝宏美樂園上下員工當天的配合及安排，你地熱情嘅款待、關愛及支持，為我地一班病患家庭增添了一頁開心嘅印記！

更多精彩項目，會陸續喺呢度發生，一齊「關愛一站通」！

Facebook 片段重溫
https://www.facebook.com/HongKon ... os/636689259995947/

歡迎光臨 OCC Forum (https://oneclickcarehk.com/forum/)