OCC Forum

標題: HKASF「關愛一站通」暑期活動 [打印本頁]

作者: occadmin 時間: 2018-7-30 09:54
標題: HKASF「關愛一站通」暑期活動
日前HKASF透過「關愛一站通」項目，首次帶領過百名殘疾或特殊人士及其家庭成員，到KidsKissKingdom 享受了一個十分歡愉的上午！

回想起我地當初聯絡KidsKiss Kingdom親子主題餐廳時與負責人嘅對話，至今仍歷歷在目...

「...好似詠寧呢啲小朋友，其實好喜歡玩波波池等設施，但礙於自己嘅能力或者環境因素，我地根本冇辦法去呢啲公眾場合同其他小朋友玩，我哋自知唔係好受人歡迎⋯⋯ 因為最擔心自己影響到其他人！」

當佢地聽到我地嘅陳述，頓時感到好傷感，帶點激動地同我地講：「每個人都應該享有快樂嘅權利！」

活動後，參加者都非常開心，大讚KidsKissKingdom 是一間非常優秀嘅餐廳，環境清潔而亮麗，每一處地方都是拍照嘅景點，每一位員工都是活力而熱情，在準備食物前更會細心地關心患者對食物安全要求，真是贏盡掌聲！

現今社會，其實尙有相當善心嘅機構，我地謹此再特別鳴謝！盼望我地嘅歡欣片段，會成為我地嘅動力，繼續「關愛一站通」。

片段重溫

歡迎光臨 OCC Forum (https://oneclickcarehk.com/forum/)