【蘋果基金】患罕見血病單親媽盼續命

occadmin

【蘋果基金】患罕見血病單親媽盼續命

「我嘅婚姻咁樣，個女係我嘅盼望，希望可以陪住佢成長，直至她長大成人，我先有動力活下去。」患上罕見再生障礙性貧血症的麗姐，雖然一直被治療所帶來的副作用困擾，但她堅強活下去全因捨不得相依為命的女兒。現時她未能配對到合適骨髓進行移植，唯一只能寄望盡快施用免疫抑制治療控制病情避免惡化，但每月2萬多元的藥費她無力負擔，衷心盼望有心人可以伸出援手，讓她可以一圓陪伴女兒成長的願望。

記者：廖怡德

36歲的麗姐是福建人，2006年她23歲時與港男丈夫結婚，之後申請單程證來港與丈夫團聚，半年後懷孕。她24歲時誕下女兒，一家三口看似幸福，但豈料這竟是噩夢的開始。她指，當時丈夫沾染不良習慣並對她家暴，又向她苛索金錢，縱然老爺奶奶待她不薄，她啞忍多年，至2011年毅然決定離婚。

單親媽媽麗姐當時帶着年僅3歲多的女兒相依為命，但命運弄人，當時麗姐因腹痛入院檢查，竟發現內臟出血，經詳細驗血後發現患上罕見的再生障礙性貧血病，醫生即時要她留醫。「我問醫生點解會有呢個病？醫生話解釋不到，我問佢環境同心情有冇關係，佢話有好大關係，可能我婚姻唔好……加上自己心情差又無人傾訴……所以我覺得係唔係因為咁而有呢個病。」

為了女兒，麗姐積極接受治療，但藥物的副作用，令她身體承受極大痛苦。「醫生話我個病係一種好罕有嘅病，治療係按癌症嚟治療，啲藥對我身體有好大副作用，我發冷、發熱、發燒仲起埋風癩，醫生建議我治療呢啲副作用嗰時先停藥，但停藥我可能內出血唔停有生命危險。」

住院個多月後，麗姐病情受控，但因為身體虛弱，要照顧自己及年幼女兒，十分吃力。「醫生叫我唔好去街市，因為多細菌，另外煮嘢唔好隔餐食，要即煮即食，怕啲飯餸放得耐會有細菌，嗰段時間真係好辛苦。」

為改善造血功能，醫生建議麗姐服用環孢素加男性荷爾蒙治療，而副作用影響至今。「男性荷爾蒙本來就唔係女人食嘅，女人食咗副作用更加多，多毛啦、生痘啦，聲音都沙啞埋，依家我把聲好似男人咁，跟住經期都停埋冇嚟。但係我喺香港冇親人，要照顧自己同個女，咁樣算好㗎啦，惟有捱埋佢啦。」

但至前年，麗姐病情又再惡化，環孢素加男性荷爾蒙治療已近乎無效，因此需每三星期到醫院輸血一次吊命，另因血液鐵質太多，麗姐要定期打除鐵針，醫生於是建議麗姐做骨髓移植。「我有兩個哥哥，所以叫佢哋嚟做配對，但做完發現唔脗合，骨髓移植已經唔可能，醫生話我可以用另一隻藥，但比較貴要自費，一個月要2萬幾蚊，我依家靠綜援為生……我同醫生講，我真係負擔唔起。」

現時麗姐希望有心人可以資助她進行免疫醫療，好讓她可以活命照顧女兒。「我係佢媽媽，如果冇人照顧她，唔知佢會變成點。我好想畀佢一個健康嘅家庭，睇住佢成長，所以我有個盼望，希望身體好少少，可以照顧到個女，睇見佢長大成人。我希望好心人、有能力嘅人可以幫到我。」

「麗姐」現無力負擔自費藥費，請支持她，讓她能醫治罕見病。「蘋果日報慈善基金」關顧主任正關注她的情況。

「麗姐」暖流之友編號：C4606
網上捐款： http://bit.ly/applecharity
想知最新蘋果基金動向？即like fb： http://www.fb.com/adfundhk

「蘋果日報慈善基金」聯絡方法：
電話：29908688
傳真：23076307
電郵：mailto:charity@adfund.org.hk
WhatsApp：98627828
網址： https://hk-charity.nextmedia.com
facebook專頁： http://www.fb.com/adfundhk
YouTube頻道： http://www.youtube.com/adfundhk

「蘋果日報慈善基金」捐款方法：
– 以PPS或信用卡作網上捐款： http://bit.ly/applecharity

– 銀行存款：
滙豐銀行：580-198836-001
恒生銀行：368-006565-001
中國銀行：012-898-00067655
東亞銀行（往來戶口）：015-514-68-01678-5
–
現金捐款（OK便利店）
– 填妥捐款表格透過VISA、MasterCard或AE信用卡捐款
– 港九新界7間華星冰室分店之捐款箱

如讀者市民捐款至醫療專戶，請於入數紙／支票背面寫上S0003專戶編號，然後電郵／傳真／WhatsApp訊息／郵寄予本基金。

如捐款至指定暖流之友（受惠個案），請於入數紙／支票背面寫上其暖流之友編號，然後電郵／傳真／WhatsApp訊息／郵寄予本基金。

「蘋果日報慈善基金」於一九九五年成立，乃根據《稅務條例》第88條獲豁免繳稅的慈善機構。基金除接受市民捐款外，亦接收《蘋果日報》捐出的1%盈利作為善款，以幫助有需要的人士和資助有意義的社會及教育活動。基金一切行政費用均由《蘋果日報》支付，善款的一分一毫，將全數用於暖流之友所需。「蘋果日報慈善基金」務求按照善長意願，把善款轉交指定暖流之友。然而個別暖流之友可能因長期離港及搬遷等情況以致失去聯絡，甚或暖流之友已經逝世或拒收捐款，有關善款將撥入基金作其他慈善用途。