「關愛會員」優惠價購買COVID-19快速測試棒 (第2輪) (已完結)
2022年02月18日
過年前，我哋為會員訂購嘅快速測試棒，兩日被認購一空，收到好多天使家庭及關愛一站通會員嘅求助，陳述屋企嘅小天使或病患小朋友，年多以來，從未試過進行檢測，又未符合接種疫苗，小朋友又未必真係時時刻刻都聽話戴口罩，鑒於疫情又嚴重咗，確診數字持續高企，並已蔓延至全港九新界，家長經常都處於非常擔心及惶恐嘅狀態之中，希望HKASF可以再次提供測試棒。
突如其來嘅來襲再次令政府收緊防疫政策。然而，近來因強檢人數眾多，令等待檢測及結果的時間均有所延長。可是，特殊家庭仍受不少外在因素限制而未能進行檢測，使感染風險大增。
有見及此，HKASF希望再次得到供應商贊助檢測棒，幫助有需要的特殊家庭。
畢竟市場上自行檢測嘅測試包種類繁多而且價錢不菲，現階段除咗應家庭嘅燃眉之急，HKASF財政能力上暫時未能全面惠及其他家庭，但我哋已經馬上聯絡相關供應商，希望再一次得到資助，縱使未能免費派發，亦希望能夠得以 *優惠價錢* 幫到有需要嘅病患家庭。
無論係過年前嗰批貨，還是我嚟緊呢兩日返嘅新貨，都係出自同一間香港醫療科研公司，我哋喺經香港罕見疾病聯盟串連認識呢個供應商，我哋同供應商冇任何利益輸送、回佣或幫公司散貨；反之，供應商一直關愛我哋呢班病患家庭，為我哋提供優惠價格，喺近日全城搶購及貨源緊拙嘅情況之下，供應商仍然願意繼續以優惠價錢提供貨源，我真心感謝喺呢件事情上面幫過手嘅每一位！
HKASF特此鳴謝！
由於貨源仍然十分緊張，我哋攞到嘅數量都唔係好多，但希望可以應大家所需所急及安撫大家嘅徬徨情緒。
祝大家身體健康！
詳情
1. 每名「關愛會員」最多限買5盒;
2. 每盒$70元 (市價每盒$150，差價由HKASF及供應商承擔。)
3. 低收入家庭可向HKASF要求特別資助及補貼，補貼後每盒$20
4. 低收入家庭會員可按自身需要及情況提出特別資助補貼，請各會員自重！
5. 所有測試棒只供「關愛一站通」關愛會員及家庭自用，不可轉買及轉讓，HKASF有權追究任何違規或販賣行為。
6. 使用前請參閱相關說明書，並依照指示進行測試，家長需留意及自行承擔因測試過程中出現的誤差，或因步驟出錯而造成的失效結果。
7. 請注意，此測試棒只作初步測試用途。不受政府強檢認可，只求個安心而已，如檢測結果呈陽性，請立刻求醫。
適合人士
1. 本測試棒適合小孩、長者、低風險的人士。
2. 於非指定時間到過高風險地方。
所有錢銀交收直接回撥香港天使綜合症基金會(HKASF)戶口，不涉及任何利益或回佣，差價及補貼由香港天使綜合症基金會(HKASF)及供應商承擔。
此活動只接受會員參與︰
