小天使旅行 - 大澳尋找中華白海豚之旅

occadmin

HKASF致力帶領小天使及家庭融入社會，雖然有時要帶小天使落街，已經係一件唔容易嘅事情，但我地仍鼓勵大家多出外走走，呼吸下新鮮空氣，心擴神怡之餘，身體都健康d，其實小天使都可以増廣見聞呢！
放心...有我地一班同路人互相照應及扶持，無論係天涯海角，定係尋找它鄉的故事，HKASF，一直與你作伴，為你導航！

《帶住天使去耍樂。吃喝玩樂篇》
小天使出名「咀刁、識嘆、難服侍」，我地會以遊記方式，分享及介紹最佳最正最好玩嘅景點及美食，真係睇完都想再去呀！

【 大澳篇】

日期 : 31-07-2016
時間 : 12 : 00 - 19 : 00
地點 : 大澳
查詢 : info@hkasf.org / +852 5125 8111

今次帶住天使去耍樂，我地破天荒唔係旅遊巴點對點去目的地，而係先坐地鐵去東涌，再轉乘11號巴士入大澳（車程要凳50分鐘架！）

第一站 - 復興行 · 游水變滷水大墨魚
凳到入大澳，梗係要醫肚先，之前Sunday kiss 介紹過嘅大墨魚小食檔㰙，原來就喺車站旁邊，我地梗係要先食為快！果然名不虛傳，復興行滷水大墨魚爽脆彈牙又入味！原來真係要咁大隻嘅墨魚先有墨魚味㗎。再試埋佢地嘅大大粒大魚蛋，惹味彈牙，唔係講笑，從未食過咁正嘅魚蛋！連詠寧妹妹都食到停唔到口，仲有大大隻鮮甜沙白同涼透心嘅冰菠蘿....簡直口水停不了，失禮晒！

第二站 - 出海睇棚屋兼找白海豚，我找到了
山長水遠入到大澳，點可以唔坐船出海？於是出海睇棚屋兼找海豚。每位＄20就可安坐快艇遊覽特色棚屋，雖然八月大暑天，但都涼風送爽，一D都唔辛苦！小天使第一次約埋坐快船，梗係又興奮又刺激啦！趣怡BB仲一早自備水泡準備不時之需。估唔到我地可以親眼見到自由自在海中游弋嘅白海豚，原來香港真係有白海豚，真係粉紅色架，仲睇到幾次添！小天使個個都開心到不得了！希望無論咩顏色嘅海豚同佢地嘅子孫世世代代都可以咁自由自在，亦都希望我地再有機會入嚟探佢地！

第三站 - 買手信 + 黃金景點
趁住呢個必到嘅黃金景點廁所位，梗係唔覺意買埋大大樽鮮香靚蝦醬啦，有分「重口味」同「淡口味」悉隨專便！一眾幾十人浩浩蕩蕩坐番凳凳凳大巴出東涌回歸城市，沿途仲有幸遇見牛牛出黎搵食添！
就咁就結束左七個鐘頭令人回味無窮嘅大澳之旅，返到屋企才知累呢！個個小天使返到屋企都係咁要睇返遊玩啲片段，相信佢地都好想快啲又再去。