日本交流之旅

occadmin

我地一年前為宣揚聯合國殘疾人權公約，參與香港電台《沒有牆的世界V》的演出。想唔到呢一幅Wall-less Wall 真係可以超越障礙，衝出世界。
「天使的詩篇」入圍了日本放送協會NHK電視台第43回「日本賞」(JAPAN PRIZE International Contest for Educational Media 2016) 之生活體驗界別 (Lifelong Learning Category)嘅最後十強名單。
我地有幸被邀請作訪，參加最後評選嘅其中環節及出席典禮。日本當地AS組織也齊來獻上祝福及道賀，並相邀作訪當地中心及與日本AS家庭交流會面。還有NHK電視台嘅專訪，一切一切給予我地無限嘅知遇。
經過一輪龍爭虎鬥，我地《天使的詩篇》最終不敵加拿大作品《THE AMINA PROFILE》而名落孫山了。《THE AMINA PROFILE》更憑著此劇目奪得終極年度大獎，「The grand Prix Japan Prize 2016」可謂實至名歸。HKASF衷心敬賀!
然而，我地並沒有為此而感到失望或氣餒，我地能夠於全日本最大規模之一，NHK電視台嘅「日本賞」中，入選最後名單，確實已經難能可貴，加上得到大會嘅盛情款待，讓我地有幸置身會場中作分享及交流，除了贏得不少掌聲外，更收到各人嘅慰問、鼓勵及祝福呢！
我地好榮幸能夠將天使綜合症推介到世界各地，希望令大家對罕見病患能有多一點關愛。特別感謝日本當地對我地嘅支持，我地會將呢份心意帶回香港，送比所有嘅小天使及家庭，大家一齊努力呀！

日期 : 30-10-2016 - 03-11-2016
地點 : 日本東京
查詢 : info@hkasf.org / +852 5125 8111

HKASF自成立以來，一直致力與世界各地嘅AS組織結盟，互通訊息，互相關注及學習。《天使的詩篇》入圍NHK日本賞，日本嘅小天使家庭無不齊來支持及慶賀；最難能可貴的，係可以與一班日本嘅小天使及家庭會面，為我地今次嘅日本交流之旅，劃上完美句號。
最意想不到的是，小天使縱使來自不同民族、文化及語言，卻有著莫名奇妙嘅親切及感應，大家嘅一見如故，一個眼神、一個擁抱，嗰份溫馨及共鳴，盡在不言中了！
特別感謝Japan Angelman Syndrome Support Group為我地整個日本之行嘅串連及安排，創辦人水村雅子及眾天使家長在各方面嘅支援。期待你地下次來香港與我地再作交流呢！