小天使小知識

occadmin

小天使小知識.....

天使綜合症嘅患者會因腦部發展缺陷而影響眼部發育，其中常見嘅徴狀有外斜視、先天性遠視及散光。更嚴重嘅喺，視力問題會令小天使睇嘢失去距離感及立體感，影響小天使步行時嘅穩定性。

然而，要為小天使驗眼係一件好困難嘅事，一般要接受全身麻醉方能進行深入嘅視力檢測；即使只是簡單嘅測試，視光師除需擁有豐富經驗及專業知識外，還要展現無比耐性及愛心才能完成，可謂可遇不可求。

還記得2018年全港首個以罕見病為主題嘅「121罕愛同行」博覽會嗎？當天邀請咗不同科別嘅機構為罕見病患者及其家庭介紹不同服務。當中關於眼科嘅參展單位有 一視瞳仁慈善基金有限公司 Eyeglass Vision Friendly Foundation Limited ，博覧會後我哋更成為了好朋友。日前，小天使詠寧終於有機會到訪一視瞳仁嘅辦公室，由Dick Sir (Dick Lo) 親自為詠寧進行視力檢查。經過Dick Sir嘅耐心檢查後，一如所料，詠寧有頗嚴重嘅先天性遠視及散光等視力問題。可是特殊需要嘅小朋友一般都非常抗拒外來飾物，要配戴眼鏡也非易事，就此Dick Sir 教左我哋一個非常值得參考嘅方法，建議我哋先試試買一副太陽眼鏡，於烈日當空嘅環境下為詠寧戴上，借強光讓其適應佩戴眼鏡嘅感覺，減低對眼鏡嘅抗拒，為日後戴眼鏡舖路。

感謝Dick sir 為詠寧提供矯正視力嘅方法及建議，對詠寧非常湊效，亦為我地一家帶來驚喜。

HKASF與一視瞳仁一直有合作嘅意向，Dick sir 同我哋亦十分期望可以喺疫情過後，正式開展這個極具意義嘅合作，為小天使及「關愛一站通」會員舉行視力檢測及工作坊，繼續幫助及支援傷健人士及其家庭，改善生活。
「關懷罕愛，結伴同行」


一視瞳仁慈善基金 2008年「有明堂」、「奧加義工隊」兩個著重維護視力健康的獨立機構，在偶然的機會下認識，在理念相近的條件下，開始了初期的合作，在香港各地區進行視力篩檢的義務工作，為市民檢查視力。 同年開拓了外展驗配眼鏡服務，將專業的視光檢查，完整地帶到有需要的地方進行；過去曾為基層小學學校的低收入家庭的學童，提供義務驗配眼鏡服務。及後更收到多間殘障院舍、庇護工場及基層學校等機構預約。義工團隊商議後，決定正式註冊成立「一視瞳仁慈善基金」，將任何界限都不應該限制人得到健康視力的理念 “視力無界”有目標、有計劃地發展。 工作目標 推動關愛視力、舉辦眼睛健康講座、提供視覺和視力檢查、提供高質素眼鏡 。
—————————